ఆగడాలు ఆపకపోతే వదిలిపెట్టం: చంద్రబాబు హెచ్చరిక

‘గొడ్డలి పార్టీ’ ఆగడాలు శ్రుతి మించితే సహించేది లేదని ముఖ్యమంత్రి చంద్రబాబు నాయుడు హెచ్చరించారు. క్లస్టర్‌ ఇన్‌ఛార్జిల సమావేశంలో మాట్లాడుతూ, పార్టీ కార్యకర్తలు నాయకులుగా ఎదగాలని, అధికారంలో ఉన్నప్పుడు ఓపికతో ప్రజలకు మంచి చేయాలని ఆయన సూచించారు. నిరంతరం సర్వేలు నిర్వహిస్తూ, తప్పులు చేసే వారిని ఉపేక్షించేది లేదని చంద్రబాబు స్పష్టం చేశారు. పార్టీని మరింత బలోపేతం చేసేందుకు కఠిన నిర్ణయాలు తీసుకుంటున్నట్లు ఆయన తెలిపారు. కార్యకర్తలందరూ వ్యక్తిత్వ వికాసం కోసం ‘సీక్రెట్’ పుస్తకాన్ని చదవాలని ఆయన సూచించారు.