బీఆర్‌ఎస్‌ విమర్శలపై మంత్రి శ్రీధర్‌బాబు ఫైర్

బీఆర్‌ఎస్‌ ప్రభుత్వం చేసిన తప్పులను తాము సరిచేస్తుంటే, తమపై అనవసర నిందలు వేస్తున్నారని మంత్రి శ్రీధర్‌బాబు మండిపడ్డారు. ముఖ్యమంత్రి రేవంత్‌రెడ్డి హిట్లర్‌ సిద్ధాంతాలను పాటిస్తామని చెప్పలేదని, ఏ పనినైనా పట్టుదలతో సాధించాలనే ఉద్దేశంతోనే ఆ వ్యాఖ్యలు చేశారని ఆయన స్పష్టం చేశారు. హైడ్రా (HYDRAA) పూర్తిగా చట్టపరిధిలోనే పనిచేస్తూ నోటీసులు ఇస్తోందని మంత్రి పేర్కొన్నారు. భూకబ్జాదారుల గుండెల్లో భయం పుడుతుంటే ఓర్వలేకనే కొందరు ఆరోపణలు చేస్తున్నారని, హైడ్రా చర్యలను సామాన్య ప్రజలు హర్షిస్తున్నారని వెల్లడించారు.