మ్యాన్‌హోల్‌లో బాలుడి కాలు.. రక్షించిన పోలీసులు

హైదరాబాద్ సెక్రటేరియట్ బస్ స్టాప్ వద్ద మ్యాన్‌హోల్ గ్రిల్‌లో కాలు ఇరుక్కుపోయిన 10 ఏళ్ల బాలుడిని సైఫాబాద్ పోలీసులు చాకచక్యంగా రక్షించారు. డయల్-100కు సమాచారం అందడంతో పోలీసులు వెంటనే ఘటనా స్థలానికి చేరుకున్నారు. ఫైర్ డిపార్ట్‌మెంట్ సహాయంతో బాలుడికి ఎలాంటి గాయం కాకుండా సురక్షితంగా బయటకు తీశారు. ఈ రెస్క్యూ ఆపరేషన్‌లో పోలీస్ కానిస్టేబుల్ ఎ. ప్రశాంత్ కీలక పాత్ర పోషించగా, బాలుడి కుటుంబ సభ్యులు పోలీసులకు కృతజ్ఞతలు తెలిపారు.