హర్మూజ్ జలసంధిలో భారతీయ నౌకపై దాడి: సిబ్బంది ఎస్‌ఓఎస్

హర్మూజ్ జలసంధి సమీపంలోని ఒమన్ తీరంలో 24 మంది భారతీయులతో వెళ్తున్న సరకు రవాణా నౌకపై డ్రోన్ లేదా క్షిపణితో దాడి జరిగింది. ఈ ప్రమాదంలో నౌక ఇంజిన్ దెబ్బతినడంతో పాటు రంధ్రం పడటంతో, అత్యవసర సహాయం (SOS) కోసం సిబ్బంది అభ్యర్థించినట్లు జాతీయ మీడియా కథనాలు వెల్లడించాయి. పలావు దేశ జెండాతో ప్రయాణిస్తున్న ఈ ఓడలో పలువురు సిబ్బంది గాయపడ్డారని ఫార్వర్డ్ సీమెన్స్ యూనియన్ ఇండియా తెలిపింది. దాడిలో లైఫ్ బోట్లు కూడా ధ్వంసం కావడంతో ఘటనా స్థలం నుండి సిబ్బందిని సురక్షితంగా తరలించే ప్రక్రియ మరింత సంక్లిష్టంగా మారినట్లు ప్రాథమిక సమాచారం ద్వారా తెలుస్తోంది.