రన్‌వేపై పేలిన ప్రైవేట్ జెట్: ఇద్దరు పైలట్ల దుర్మరణం

డొమినికన్ రిపబ్లిక్‌లోని లా రొమానా విమానాశ్రయంలో గల్ఫ్‌స్ట్రీమ్ G200 ప్రైవేట్ జెట్ విమానం ఘోర ప్రమాదానికి గురైంది. టేకాఫ్ అయిన కొద్దిసేపటికే సాంకేతిక లోపం తలెత్తడంతో పైలట్లు అత్యవసర ల్యాండింగ్‌కు ప్రయత్నించారు. ఈ క్రమంలో రన్‌వేపై అదుపుతప్పిన విమానం భారీ శబ్దంతో పేలిపోయింది. ఈ ప్రమాదంలో పైలట్, కో-పైలట్ ఇద్దరూ అక్కడికక్కడే ప్రాణాలు కోల్పోయారు. ప్రమాద సమయంలో విమానంలో ప్రయాణికులెవరూ లేరని అధికారులు స్పష్టం చేశారు. స్పష్టమైన వాతావరణం ఉన్నప్పటికీ జరిగిన ఈ క్రాష్‌పై బ్లాక్ బాక్స్ ఆధారంగా దర్యాప్తు జరుపుతున్నారు.