గ్రాడ్యుయేట్ ఓటు నమోదుకు 5 రోజులే గడువు

తెలంగాణలో గ్రాడ్యుయేట్ ఎమ్మెల్సీ ఓటర్ల నమోదుకు ఈ నెల 6 వరకు గడువు ఉంది. మహబూబ్‌నగర్–రంగారెడ్డి–హైదరాబాద్, వరంగల్–ఖమ్మం–నల్గొండ నియోజకవర్గాల అర్హులు ఫారం-18 ద్వారా ఆన్‌లైన్ లేదా ఆఫ్‌లైన్‌లో దరఖాస్తు చేసుకోవాలి. డిగ్రీ పూర్తయి మూడేళ్లు దాటినవారు అర్హులు. గతంలో ఓటు ఉన్నవారు కూడా మళ్లీ దరఖాస్తు చేయాలి. ఇప్పటివరకు రెండు నియోజకవర్గాల్లో 9 లక్షలకు పైగా దరఖాస్తులు వచ్చాయి.