త్వరలో భారత్-అమెరికా వాణిజ్య ఒప్పందం

భారత్‌తో త్వరలోనే వాణిజ్య ఒప్పందం కుదురుతుందని అమెరికా అధ్యక్షుడు ట్రంప్ ఆశాభావం వ్యక్తం చేశారు. గతంలో భారత్ విధించిన అధిక సుంకాల వల్ల అమెరికా నష్టపోయిందని, అయితే ప్రధాని మోదీ తనకు మంచి స్నేహితుడని ఆయన పేర్కొన్నారు. మరోవైపు ఇరుదేశాల మధ్య చర్చల పురోగతిపై అమెరికా విదేశాంగ శాఖ సానుకూలంగా ఉంది. ఈ ద్వైపాక్షిక ఒప్పందం ద్వారా ఇరు దేశాల్లో పెట్టుబడులు పెరుగుతాయని, వ్యూహాత్మక భాగస్వామ్యం మరింత బలపడుతుందని తెలిపింది.