విశాఖ ఉక్కు కర్మాగారంలో పేలుడుకు కారణమేంటి?

విశాఖ ఉక్కు కర్మాగారంలోని ఎస్‌ఎంఎస్‌-1 (SMS-1) విభాగంలో సోమవారం భారీ పేలుడు సంభవించింది. కన్వర్టర్ నుంచి వచ్చిన లాడిల్-19 ద్వారా క్యాస్టింగ్ మెషీన్‌లో ఉక్కు ద్రవాన్ని పోసే క్రమంలో స్లైడింగ్ గేటు తెరుచుకోకపోవడంతో ఈ పేలుడు జరిగినట్లు భావిస్తున్నారు. ఈ ప్రమాదంలో ఉక్కు ద్రవం సుమారు 70-80 అడుగుల ఎత్తుకు ఎగసిపడింది. ఆక్సిజన్ డీగ్యాసింగ్ కోసం వాడే అల్యూమినియం నాణ్యత లోపించడం, సమపాళ్లలో కలపకపోవడం లేదా గ్యాస్ ఒత్తిడి వంటి కారణాల వల్లే ఈ ఘటన జరిగిందా అన్న కోణాల్లో అధికారులు దర్యాప్తు చేస్తున్నారు.