భద్రతా కారణాలతో మెస్సి భారీ విగ్రహం తొలగింపు

కోల్‌కతాలోని లేక్‌టౌన్ ప్రాంతంలో ఉన్న అర్జెంటీనా ఫుట్‌బాల్ దిగ్గజం లియోనెల్ మెస్సి 70 అడుగుల భారీ విగ్రహాన్ని అధికారులు తొలగించారు. ఇటీవల వీచిన ఈదురుగాలులకు విగ్రహం ఊగుతుండటంతో ప్రమాద నివారణ చర్యల్లో భాగంగా పిడబ్ల్యూడి అధికారులు ఈ నిర్ణయం తీసుకున్నారు. గతేడాది డిసెంబర్‌లో ఏర్పాటు చేసిన ఈ విగ్రహ నిర్మాణంలో లోపాలు ఉన్నట్లు అధికారులు గుర్తించారు. అయితే దీనిని పూర్తిగా తొలగించట్లేదని, మరో సురక్షిత ప్రాంతంలో పునఃప్రతిష్ఠిస్తామని తెలిపారు.