లోన్ యాప్ వేధింపులు: వివాహిత బలవన్మరణం

లోన్ యాప్ నిర్వాహకుల వేధింపులు భరించలేక నేరేడ్‌మెట్‌కు చెందిన శివదానపు దేవనందిని (25) అనే వివాహిత ఆత్మహత్యకు పాల్పడింది. శనివారం భర్త బయటకు వెళ్లిన సమయంలో ఆమె తన నివాసంలో ఫ్యాన్‌కు ఉరివేసుకుని ప్రాణాలు విడిచింది. మృతురాలి మొబైల్ ఫోన్‌ను పరిశీలించగా, ఆమె లోన్ యాప్ ద్వారా రుణం తీసుకున్నట్లు మరియు బకాయిల కోసం నిర్వాహకులు తీవ్రంగా వేధించినట్లు తెలిసింది. తండ్రి ఫిర్యాదు మేరకు నేరేడ్‌మెట్ పోలీసులు కేసు నమోదు చేసి దర్యాప్తు చేస్తున్నారు.