హారర్ చిత్రంలో సయీ మంజ్రేకర్.. ఆ పాత్ర వెనుక ఉన్న రహస్యం

నటి సయీ మంజ్రేకర్ సరికొత్త హారర్ చిత్రం ‘ఇకాయ్‌’ ద్వారా ప్రేక్షకుల ముందుకు రాబోతున్నారు. ఇప్పటివరకు లవ్ స్టోరీస్ చేసిన ఆమె, ఈ సినిమా కోసం తన కంఫర్ట్ జోన్‌ దాటి సరికొత్తగా నటించినట్లు వెల్లడించారు. రాఘవ్ జుయల్ కథానాయకుడిగా రాజ్‌ సింగ్ చౌదరి దర్శకత్వంలో ఈ క్రేజీ చిత్రం తెరకెక్కుతోంది. ప్రస్తుతం నిర్మాణ దశలో ఉన్న ఈ సినిమా వచ్చే ఏడాది ప్రారంభంలో థియేటర్లలో అలరించడానికి సిద్ధమవుతోందని సినీవర్గాలు తెలిపాయి.